CCnF - Situation normal, all fucked up

So, nachdem ich met minere Propagande uf ganzer Linie erfolgriich gsi ben hani moll welle froge was er so vonere Gilde haltet. Mer chöntet natürlech eigeni grönde, allerdings bruuchte mer den scho no en andere name wo chli meh is setting passt, also zirkel des lichts oder ritter der finsternis oder so andersiits chame Gildestätt ersch ab 30 mettgleder mache. Mer chönte also halt eifach alli enere bestehende Gilde biiträtte.
Was no son spontani idee vo mer gsi wär, wär en Schwiizer-Gilde zgrönde, denn hätte mer au chli en Zielgroppe. Emmerhen send Schwiizer jo em Mettelalter als hervoragendi Söldner gschätzt worde

Schwiizer Gilde suckt....Wämmer gäg die jez kämpfe? Hmm ne, blibe mer lieber neutral

beschränke mer üüs uf schwiizerdütsch als "Amtssprache"

ond de name?
Gewalthaufen oder Reisläufer?

Ich wär vör en neutrali gilde. Sösch händ mer so metspeler met näme wie "Swissknife", "Swissknifeknight", "Swissarmyrocks" oder "HopSchwiz".
Wie gsehts met servern us? Häts dütschi server? Hät jo MMORPG's wos nomme internationali server hät...
"Detective Boys" wär mer emmerno am liebschte. Sösch "Super Smash Barbars" oder "Zirkel der Kreise die im Mittelpunkt anfangenen"

es get dütschi server:

1.13 Wird Age of Conan in verschiedenen Sprachen erscheinen?
Ja, Age of Conan wird einige so genannte Lokalisierungen erhalten. So wird das Spiel in erster Instanz, ausser auf englisch, auch noch auf deutsch und französisch erscheinen. Natürlich mit eigenen Servern und eigenen Servicemitarbeitern. Weitere Sprachen können im weiteren Verlauf des Spiels folgen.

quelle: AoC FAQ

Händs alles scho lokalisiert? *hust* Eisenschmiede...

1. Detective Boys <-- Schwul
2. bechont das Game es M-Rating (USK ab 18) ond meinsch do kennt no e sau Detectiv Conan???
3. chömmer au en namenskonvention id gilderegle ifüehre, z..b das mer kein darkshadowschattenhunterkiller wänd etc.

Als Gildename wär mer jo "Legio Helveticae" oder so am symphatischte, das wörd au chli is zenario passe

fantastic hat geschrieben:1. Detective Boys <-- Schwul
2. bechont das Game es M-Rating (USK ab 18) ond meinsch do kennt no e sau Detectiv Conan???
3. chömmer au en namenskonvention id gilderegle ifüehre, z..b das mer kein darkshadowschattenhunterkiller wänd etc.
Als Gildename wär mer jo "Legio Helveticae" oder so am symphatischte, das wörd au chli is zenario passe

1. Nope, fendi ned schwul. "Red Hot Leather-Pant Dancers" ehner ^^
2. Doch, eigentli wär das genau eusi generation. Ich ben 18i wenn das speli dosse esch ond kenn Detectiv Conan, wellis früener gluegt han. Wenn das speli 4-5 johr früner wörd cho, wörds kei sau känne, well me als volljährige kei rtl2 am nohmettag luegt... also wär genau jetz der rechtig ziitponkt ond ned denn, wos noch gloffe esch
3. cool

So "Legio Helveticae"-zügs wär mer recht, wenn mer tatsächlich voll uf RP gönnt. Aber gloub ned, dass das do de fall esch. Oder doch?
"So mögest du, Fant4stic, der Vierte, Sohn des Fant3stic, dem Dritten, mir meinen glänzenden, von Alfredo, meinem Knappen, frisch-polierten Hintern küssen!". So wörds usgseh, wenn mer eus inem rechtige, ritterliche RP-Szenario disse wördet. Esch das die Zukunft?

Imene RPG nennt er sech denn secher au Fant4stic
Ond dasme sone name het wo chli zom Game passt heisst nöd, dasmer jez voll eine uf RP muen mache...